Центральная городская библиотека Барановичей

Скамейки для
двора и сада
в Барановичах.

Все виды металлоизделий от ТОЛМЕТ!

+375-29-794-80-31

+375-163-61-51-61
Реклама

Центральная городская библиотека Барановичей

г. Барановичи, ул. Ленина 51,53

+375-163-64-31-94

НАША АФIША:

♦ з 28.04. па 30.07. – персанальная выстава творчых работ “Тэкстурная сімфонія” Валерыі Несцярук экспануецца ў аддзеле галіновай літаратуры ЦГБ імя В.П. Таўлая. Валерыя Несцярук – выпускніца Беларускай дзяржаўнай акадэміі музыкі, працуе выкладчыкам па класе фартэпіяна і канцэртмайстрам у УССА “Баранавіцкі дзяржаўны музычны каледж”. Валерыя – вельмі творчы чалавек: з ранняга дзяцінства захаплялася музыкай, танцамі, маляваннем. На выстаўцы прадстаўлены аўтарскія інтэр'ерныя карціны і дэкаратыўныя пано, рэльефныя карціны – унікальны сінтэз жывапісу і скульптуры. Уваход вольны для усіх жадаючых. Узрост: 0+. Адрас: вул. Леніна, 51 Тэл.: 64 31 94 /адк.: загадчык аддзела Н.М. Кіпель/.

♦ з 21.05. – інтэрактыўная алея “155 прычын любіць Баранавічы” экспануецца ў межах праекта “Кніга ў горадзе” да 155-годдзя горада. Гэта вынік аднайменнага фотамарафона, арганізаванага аддзелам дзіцячай і замежнай літаратуры ЦГБ імя В.П. Таўлая. Згодна з Палажэннем на конкурс прымаліся каляровыя або чорна-белыя фотаздымкі, якія адпавядалі прапанаваным у ім тэмам. Каля сцен цэнтральнай бібліятэкі ўздоўж вул. Леніна 51 і 53 на 15 стэндах размешчаны работы, якія набралі найбольшую колькасць галасоў у сваіх намінацыях. Узрост: 12+ /адк.: вядучы бібліятэкар Н.А. Станкевіч, бібліятэкар І кат. К.А. Раманюк/.

♦ з 02.09. па 10.11. – фотаконкурс “Горад выдатных людзей” на вэб-сайце ДУК “Цэнтралізаваная бібліятэчная сістэма г. Баранавічы” арганізуецца супрацоўнікамі аддзела галіновай літаратуры ЦГБ імя В.П.Таўлая да 155-годдзя г. Баранавічы. На фотаконкурс прымаюцца сумесныя фатаграфіі (сумесны партрэт, рэпартажны здымак, сэлфі), на якіх абавязкова адлюстраваны адначасова: сам аўтар працы і жыхар горада Баранавічы, які ўнёс уклад у яго развіццё, добраўпарадкаванне, культуру або эканоміку (ветэран, заслужаны работнік, ганаровы грамадзянін горада, прадпрымальнік, урач, настаўнік, спартсмен, ваенны, мастак і г.д.). Фотаработы прымаюцца ў двух варыянтах: электронны (фармат JPG ці JPEG) і папяровы (фармат А3, фотапапера) да 31 кастрычніка ўключна. Запрашаем да ўдзелу ў конкурсе ўсіх жадаючых ад 6 да 25 гадоў. Узрост: 6+. Адрас: вул. Леніна, 51 Тэл.: 64 31 94 /адк.: загадчык аддзела Н.М. Кіпель/.

♦ 08.09. – праграма “Камунікатыўная гульня. Класіка” пройдзе ў аддзеле дзіцячай і замежнай літаратуры ЦГБ імя В.П. Таўлая. Удзельнікаў чакае інтрыгуючая гульня, дзе ўсё залежыць ад інтуіцыі, умення чытаць эмоцыі, пераконваць і, калі спатрэбіцца, бліскуча блефаваць. Удзел па папярэдняй рэгістрацыі. Пачатак у 17.30. Узрост: 16+. Адрас: вул. Леніна, 53 Тэл.: 40 36 90 /адк.: бібліятэкар А.С. Будзько/.

♦12.09. – гульнятэка чакае гараджан у аддзеле дзіцячай і замежнай літаратуры ЦГБ імя В.П. Таўлая. З 9 да 13 прапануецца сямейны фармат правядзення настольных гульняў (для дзяцей ад 3-х гадоў і іх бацькоў). Узрост: 0+. З 14 да 18 у бібліятэцы будуць падрыхтаваны гульні больш складанага ўзроўню для падлеткаў і дарослых. Узрост: 12+. Адрас: вул. Леніна, 53 Тэл.: 40 36 90 /адк.: вядучы бібліятэкар Н.А. Станкевіч/.

♦ 12.09. – праект “Чытаю сабаку” аддзела дзіцячай і замежнай літаратуры ЦГБ імя В.П. Таўлая і ТАА “Кінолаг хелп” працягвае сваю дзейнасць. Да ўдзелу запрашаюцца малодшыя школьнікі і дашкольнікі, якія ўжо ўмеюць чытаць. Дзеці, якія чытаюць услых сабакам, хутка паляпшаюць свае чытацкія навыкі. Бібліятэкары прапануюць на выбар самыя цікавыя кнігі для чытання. З дзецьмі працуе спецыяльна навучаны сабака, які гатовы ўважліва слухаць чытаючага. Побач з сабакам знаходзіцца кінолаг. Удзел у мерапрыемстве па папярэдняй рэгістрацыі. Пачатак у 11.00. Узрост: 6+. Адрас: вул. Леніна, 53 Тэл.: 40 36 90 /адк.: бібліятэкар А.С. Будзько/.

♦ 13.09. – сустрэча “Літаратурны сняданак. Эфект матылька” ў аддзеле дзіцячай і замежнай літаратуры ЦГБ імя В.П. Таўлая прысвечана апавяданню “І грымнуў гром” амерыканскага пісьменніка Рэя Брэдберы. Дзеці разам з бібліятэкарамі абмяркуюць адно з самых вядомых навукова-фантастычных апавяданняў ХХ стагоддзя. Удзел па папярэдняй рэгістрацыі. Пачатак у 11.00. Узрост: 12+. Адрас: вул. Леніна, 53 Тэл.: 40 36 90 /адк.: заг. аддзела Н.А. Станкевіч/.

♦ 13.09. – кніжныя вячоркі “Зося – маленькая вавёрка” чакаюць наведвальнікаў бібліятэкі ў аддзеле дзіцячай і замежнай літаратуры ЦГБ імя В.П. Таўлая. У праграме: гучныя чытанні кнігі Юліі Сімбірскай “Зося – маленькая вавёрка”, абмеркаванне твора, сумесная творчасць і чаяванне. Удзел па папярэдняй рэгістрацыі. Пачатак у 11.00. Узрост: 0+. Адрас: вул. Леніна, 53 Тэл.: 40 36 90 / адк.: вядучы бібліятэкар М.І. Міронава/.

♦ Інтэрактыўная гульня “Кодэкс правазнаўца” падрыхтаваная супрацоўнікамі аддзела інфармацына-бібліяграфічнай работы ЦГБ імя В. Таўлая на вэб-сайце ДУК “Цэнтралізаваная бібліятэчная сістэма г. Баранавічы”. Інтэрактыўнае выданне прапануе праверыць узровень сваіх ведаў па прававой тэматыцы, адказаўшы на пытанні. Вы зможаце даведацца, дзе праходзіць тонкая мяжа паміж адміністрацыйным праступкам і крымінальным злачынствам, чым пагражаюць парушэнні закона і якія наступствы чакаюць тых, хто іх дапусціць. Узрост: 16+. Адрас: вул. Леніна, 51 Тэл.: 64 32 10 / адк.: заг. аддзела В.І. Тугава/.

♦ Метадычны веснік “Сусветныя экалагічныя даты” створаны супрацоўнікамі аддзела маркетынгу і сацыякультурнай дзейнасці на вэб-сайце ДУК “Цэнтралізаваная бібліятэчная сістэма г. Баранавічы”. Інтэрактыўнае выданне ўключае інфармацыю пра галоўныя даты календара, прысвечаныя пытанням аховы прыроды і беражліваму стаўленню да рэсурсаў Зямлі. Узрост: 12+. Тэлефон для даведак: 64 31 96 /адк.: бібліятэкар I кат. В.Ф. Лазарчук/.

♦ Буктрэйлер “Час прыгод”, створаны супрацоўнікамі аддзела маркетынгу і сацыякультурнай дзейнасці ЦГБ імя В.П.Таўлая, размешчаны на вэб-сайце ДУК “Цэнтралізаваная бібліятэчная сістэма г. Баранавічы”. Для наведвальнікаў сайта падрыхтавана падборка твораў, у якіх Вас чакаюць неверагодныя прыгоды. Каб падрабязней даведацца пра кнігі, трэба клікнуць па фота. Цікавыя факты пра пісьменнікаў і іх творы можна паглядзець, націснуўшы на іконкі побач з фота. Узрост: 12+. Тэлефон для даведак: 64 31 96 /адк.: бібліятэкар IІ кат. Ю.В. Лібік/.

♦ Інтэрактыўная алея “Кветкі маёй зямлі. Жаночы летапіс краіны” экспануецца на вэб-сайце ДУК “Цэнтралізаваная бібліятэчная сістэма г. Баранавічы” і прысвечана Году беларускай жанчыны. У віртуальнай галерэі размешчаны кароткія звесткі аб знакамітых жанчынах мінулых стагоддзяў, якія на працягу шматвекавой гісторыі Беларусі сваёй дзейнасцю зрабілі значны ўнёсак у мастацтва, навуку, культуру і іншыя сферы жыцця нашай краіны, і нашых сучасніцах. Узрост: 12+ /адк.: намеснік дырэктара па асноўнай дзейнасці Е.А. Барзілава, бібліятэкар І кат. К.А. Раманюк/.

♦ Метадычны веснік “Літаратурны арт-тур па Баранавічах” на вэб-сайце ДУК “Цэнтралізаваная бібліятэчная сістэма г. Баранавічы” створаны супрацоўнікамі аддзела маркетынгу і сацыякультурнай дзейнасці. Інтэрактыўнае выданне ўключае цікавыя матэрыялы, прысвечаныя скульптурам малой формы, якія размешчаны на вуліцах г. Баранавічы, і зроблена спроба звязаць іх з вядомымі літаратурнымі сюжэтамі. Узрост: 12+. Тэлефон для даведак: 64 31 96 /адк.: бібліятэкар I кат. В.Ф. Лазарчук/.

♦ Фотаэкскурс “Ажыўшая гісторыя” на вэб-сайце ДУК “Цэнтралізаванная бібліятэчная сістэма г. Баранавічы” падрыхтаваны супрацоўнікамі аддзела галіновай літаратуры ЦГБ імя В.П /Таўлая да 155-годдзя г. Баранавічы. Якімі былі Баранавічы 30, 40, 50 гадоў таму? Пра гэта лепш за ўсё могуць расказаць старыя фатаграфіі. Бібліятэчныя спецыялісты паспрабавалі "ажывіць" рэтрафатаграфіі Баранавічаў з дапамогай штучнага інтэлекту. Запрашаем “прайсціся” па баранавіцкіх вуліцах мінулых гадоў! Узрост: 12+. Адрас: вул. Леніна, 51 Тэл.: 64 31 94 /адк.: бібліятэкар I кат. А.М. Іванова, бібліятэкар І.П. Гоўша/.

===========================================================================================================

ЦГБ имени В.П. Тавлая - это социокультурный центр города Барановичи, в котором созданы условия для полезного отдыха и развития интересов горожан, их образовательного и профессионального роста, удовлетворения информационных потребностей.

(Подробнее..)

Структура ЦГБ:

• отдел обслуживания и информации

• отдел методической и аналитической работы

• отдел автоматизации библиотечных процессов

• отдел комплектования, обработки и организации единого фонда ЦБС

Центральная городская библиотека им. В.П. Тавлая

225404 г. Барановичи, ул. Ленина 51,53

Время работы:

10:00-19:00

Cанитарный день - вторая пятница месяца